森美接受到另一半曾经系PTGF：真系爱嘅佢做过咩都得
撰文： 张嘉敏
出版：更新：
森美主持的商台节目《早霸王》经常为听众解答爱情问题，渐渐已经被大家当了做爱情专家，问到森美身边有无朋友当佢系顾问咁问意见，森美说：“平时都会有朋友问㗎，但我又唔觉得自己系咩出色嘅爱情专家，本身无乜爱情烦恼。自己都系拍咗两次拖，太太就系我第三个女朋友，就拍到结婚喇。所以我喺爱情路上其实无咩经验。”
唔讲唔知，原来森美好多时都是靠FF来帮听众：“我靠幻想多，我睇爱情好简单，唔会谂得咁复杂，可以理性啲去解决问题，经历得多反而会谂太多，好易变得唔乐观。对我嚟讲爱情同关系可以分开，钟意一个人唔一定要一齐，就好似偶像咁。”
相关文章：
【早霸王】女友嗌分手挽留失败 森美一语中的： 要知自己错咩！
提到近日有网友开post讨论真爱系唔介意另一半曾经系PTGF，问到森美点睇，他说：“啱吖，畀我都会接受到，真爱系唔会介意，其实系睇你爱自己定系爱对方多啲，如果爱对方多过自己，就会咩都以对方为先，佢做啲咩你都会接受到。”咁森美又系咪爱老婆多过爱自己呢？他笑言：“呢样就难讲喇。”他身旁的阮小仪即说：“但系以局外人身份去睇，我肯定森美老婆爱自己多过爱佢。”