韩国人戴口罩宜忌　戴错会畀人误会整容

撰文： 冼燕珊
出版：更新：

有网民开Post话女仔戴口罩，遮住半边脸特别靓，林颖彤日前出席活动时就表示自己都有储吓日本嘅美颜口罩，而众所周知，韩国人都钟意戴口罩，次次喺机场见到啲Artists，大多数都系戴住口罩示人，不过留意返，韩国人有自己一套戴口罩宜忌，唔小心戴错，会畀人误会你去整容㗎！

好多韩星都喜欢戴黑色口罩，图为韩星Rain。(视觉中国)

原来韩国人自己有共识，一般人都系整完容就会戴白色口罩，所以如果你喺韩国戴白色口罩，人哋就会好自然咁估你系咪刚整完容。韩国贵为整容大国，据统计每五个韩国人就有一个人整容，整容对佢哋嚟讲，真系平常到同食泡菜无异。而一般整容的高峰期在冬天，12月至2月底最多人整容，因为呢段时间系韩国嘅寒假，而3月系佢哋嘅开学季节，所以好多学生都会把握呢段时间去执执个样，尤其系升大学𠮶班，去到一个新嘅环境，反正都无人认得自己。再加上冬天伤口无咁容易发炎，所以就特别多人拣喺呢个时间整容喇。

在韩国戴白色口罩好容易被误会刚整完容。(视觉中国)
冬天是韩国的整容旺季。(视觉中国)

而一般韩星都系戴黑色口罩，当佢哋素颜或是想低调的时候，就会派口罩出马，就算几乎将块面都遮住晒，但还是会搭配到整体穿搭，非常有型，成为一种“口罩时尚”！