谢东闵曾经试过负资产：问银行借咗6位数，还4年先还晒…
撰文： 张嘉敏
出版：更新：
谢东闵 (Brian) 早前获得星和无线电视大奖2017 TVB最佳新人奖，又获得无线力捧，今年事业发展相当唔错，工作多了收入自然都会增加啦。不过正如好多艺人一样，谢东闵都曾经挨过穷困日子。提到近日有网民讨论26岁人银行存款都无3万，对此Brian接受香港01访问时表示：“而家好多后生仔银行户口都无3万啦，我26岁𠮶时都无呀，直情系负资产。”
究竟Brian当时点解会咁穷呢，他说：“我23岁时曾经试过问银行借钱，再喺内地做时装生意，都借咗有6位数字，逐个月还，还咗4年先还晒，银行啲利息都好高，问银行借钱其实好笨。”原来他经营过时装生意，唔讲真系唔知，但其实他一直想唱歌做歌手：“我𠮶时啱啱喺外国返嚟香港，有去学唱歌，亦签咗个经理人，可惜都无咩工作机会，所以我先去大陆做生意试下。”
Brian今日出席的活动上有魔术师表演魔术，他自言不是玩魔术的材料：“我唔系好识，要好敏捷，身手好快先做到。”不过他亦觉得识玩魔术的男仔容易啲识女仔，他都试过学一、两魔术来傍身：“𠮶时喺外国，自己英文唔系好叻，就跟啲朋友学魔术嚟识女仔，又真系识到㖞。”