【Kakao孤独房】秀智贴认证相冇人信 泰民@SHINee惨被粉丝踢出房
喺韩国方面，韩国人一向用开嘅通讯软件系Kakao，而最近喺Kakao上又新兴一个“偶像聊天室”，叫做“孤独的XX”，“XX”就系各大明星嘅名，例如系BTS防弹少年团嘅Jimin的话，呢聊天室就会叫做孤独的Jimin。实际上唔少韩星都有亲身加入过呢类聊天室，好似Highlight嘅梁耀燮、miss A前成员秀智、MAMAMOO辉人、玟星等等。不过SHINee泰民、Block B宰孝、朴经嘅情况就最搞笑，因为佢哋都试过畀BB.C（Block B粉丝）同SHINee WORLD（SHINee粉丝）踢出聊天室，但实际上又真系几难令人相信自己偶像会用真名上聊天室同自己倾偈嘅。
事实上加入孤独房先要解开房间密码，亦要守孤独房规则！例如喺孤独房入面唔可以传文字，只可以传图片，有问题想问的话就要写系图片上面，通常孤独房入面都会有好多高清韩星靓相，除咗随时有机会同自己支持嘅韩星存喺同一个聊天室之外，拥有大量高清靓相或者韩星旧相都系吸引各大粉丝加入孤独房嘅理由。
寻日（23日）SHINee“忙内”泰民竟然惊喜现身自己嘅孤独房，不过泰民一出声就畀SHINee WORLD踢出房，因为泰民违规传文字。但泰民应该好想加入自己嘅孤独房，被踢之后换咗另一个帐号再次加入孤独房，再加上自己嘅自拍照写“太过份了，我只是开了个玩笑，快点重新邀请我吧”。成功再次加入孤独房嘅泰民都有公开自己近况，指“我很健康，大家不要担心”、“会尽快跟大家见面，不会让你们等太久”以及“今天吃了冷面”，又承诺会喺今年过去之前开个人Instagram，增加同SHINee WORLD互动机会。SHINee 4人温流、珉豪、Key同泰民经过17日嘅“SHINee WORLD THE BEST 2018～FROM NOW ON～”巡回演唱会后，都会继续努力向前，坚强站喺SHINee WORLD面前！
而另一名加入孤独房嘅秀智都有传个人自拍认证照，以示加入孤独房嘅真系秀智自己本人。当秀智粉丝反问自拍出处系边到嘅时候，秀智就回应喺自己手机，同时都有粉丝回应呢张相无出现过喺秀智嘅Instagram上，秀智就再次回应“我系秀智”！而秀智喺孤独房玩咗一阵就承诺会再嚟，然后就离开咗喇，如果有粉丝想等秀智下次再出现嘅话，就记得即刻加入秀智嘅孤独房喇！
更多图片
SHINee永远五缺一东京演唱会今开唱 保留钟铉唱歌部份但需改编舞
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/