【SuperGirls】好姊妹为爱反目半年？　同出活动仍然“零交流”

俗语有话，多人就多是非。而女人又有得你叫，“女人心海底针”。所有睇落冇嘢，口讲冇事嘅时候，往往就系最“惊涛骇浪”。早前香港女子组合SuperGirls就传出因为两位成员陈颖欣（Yanny）和李静仪（Heidi），因争男友而反目成仇，势成水火。据传事件就是因为Yanny成功撬走Heidi的有米男朋友陈考威（Gareth）而引发，故事的最后，Heidi更是败走台湾拍戏逃离伤心地。故事发展真系十足十电视剧情节咁。

今日TVB节目《周游东京》，TVB日本通周奕玮就邀请了SuperGirls到记者会撑场。想当然，大家就会想起传不和的Yanny和Heidi。虽然事件已经过了大半年，但是出席记者会活动时，亦正如大家所料，2位无论镜头前后又或者坐埋一齐食饭的时候，都依然“零交流”。排排企影相，又或是传媒访问的时候，全程都有人隔住。所以话，呢个不和传言真系好难解释，好难令人相信佢哋真系冇芥蒂。