【多图】李静仪IG骚靓相：帮我影相要做“人肉相机架”

SuperGirls的李静仪（Heidi）一向都是不少网民心目中的女神，除了样貌甜美吸引，有一双修长美腿之外，更加是能歌善舞。早前Heidi到泰国旅游，顺便在个人Instagram上分享靓人靓景派福利。虽然就性感泳衣照欠奉，不过仍然张张相都吸引到过万like，更有粉丝说Heidi是美人鱼，大赞她又靓又性感。不过睇返啲相，好明显就有人帮手揸机影相。拍摄者唔通系男朋友？

Heidi接受《香港01》访问时说：“好多人都问我系边个影，咁梗系叫屋企人影㗎啦，其实系叫我表妹影嘅。通常我影相都好麻烦，我啲朋友同事都知㗎，我每影一张相之前都会set定个位，‘嗱，咁样影。’之后我就行埋过去影。好多朋友都会做我嘅‘人肉相机架’，好惨㗎。”其实呢个情况讲出去真是彼彼皆是，相信每个有女朋友的男人都遇到过：帮女友影完相唔收货的问题。谂真啲，做“人肉相机架”其实都唔错吖。起码影得唔好唔关自己事。

问起Heidi觉得身边的男性朋友影相靓啲还是女性朋友影相靓啲？她说：“其实身边男仔同女仔对我都好好，会帮我影好多相。不过女仔朋友就会对我有耐性啲，因为可能大家都系女仔，会知道我都想影一啲靓相。至于身边朋友边个影得最啱我心水，就应该系蔡明思（Jessica），因为我成日都会迫佢帮我影相。”

靓相一定不会嫌多，尤其是靓女配搭靓景的照片。问到Heidi仲有冇收埋其他靓相时，她说：“冇啦，已经放晒出嚟。不过，我啲男性朋友喺个WhatsApp group轰炸我话：‘新年流流，唔好放埋啲咁嘅相，唔好再放。’佢哋仲话：‘杀死人咩。’”Heidi表示，月底仲会到巴黎的时装周“Paris Fashion Week”，相信到时网民巴打们又有一辑靓相可以欣赏啦。