BTS防弹少年团边个一手揸机一手拎刀　大胆用剪肉铰剪剪头发？

韩星嘅发型日新月异，今日黑发听日就可以漂到变咗白金色，唔少粉丝都担心自己偶像头皮、发质都会好伤，而且韩星们基本上都会去发廊或者美容室揾专业发型师帮忙，因为大家都好明白“发型就系生命”呢个道理！不过BTS防弹少年团成员Jin似乎就未有担心过失手问题，所以话靓仔真系大晒…

话说寻晚（22日）Jin就系防弹少年团Twitter更新一条短片，主人公当然就系Jin。短片中，Jin一开始就已经手持非剪发用铰剪，铰剪似乎系厨房用剪肉铰剪，而Jin都有讲到因为睇唔清楚前面，所以要剪头发！

Jin仲要一路拍片一路剪，一手揸机一手拎刀，无手辅助稳定头发真系好易出事㗎嘛！唔知A.R.M.Y（防弹少年团粉丝）又惊唔惊Jin会失手呢？因为他本人一路剪𠮶时都好似有啲惊同担心咁发出怪叫声，而真系落刀剪个阵又合埋眼，一个唔小心剪错咗真系后悔莫及。不过剪完之后Jin就话依家望前面可以睇得好清楚，好好啊！唔知Jin之后仲会唔会去美容室再修剪一下呢？

更多图片

Jin剪发片段

Billboard为BTS整banner出杂志？　防弹少年团继续攻占全世界

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/