【丫鬟大联盟】谢东闵新剧做男二：我一直有讲想唱歌

《丫鬟大联盟》今次找来型男谢东闵担任剧中第二男主角的角色，剧中饰演一名书生“庞凤红”。该剧更是他首次担任第二男主角以及首次的古装。谢东闵接受《香港01》访问时说：“我净系想做好我嘅角色，观众同公司觉得我做得好，我就已经好开心。其实今次演书生，啲之乎者也好难背，同埋要学古人嘅动作。我之前其实都睇咗好多戏去学，例如《金装四大才子》又或者睇下《倩女幽魂》。”

唔讲可能会唔记得，原来谢东闵当年凭著参加《超级巨声2》而开始受人所认识，其后加入TVB。虽然歌曲作品真系5只手指都数得晒，不过明显地戏剧方面却演得有声有色。谢东闵在之后的《坚离地爱坚离地》及《十兄弟》中占重戏份。其中年度TVB重本巨制《十兄弟》更担任两大男主角之一。去年（2017年）更拿了《星和无线电视大奖》的“TVB最佳新人”，可谓是TVB力捧新人。不过现年32岁的谢东闵才得到“TVB最佳新人”奖，会唔会迟咗少少呢？

谢东闵：“有心唔怕迟吖嘛。阿杨（杨明）都咁多年先攞飞跃啦，所以我唔谂呢啲嘢嘅，公司俾个奖我，已经好开心。”演戏方面为谢东闵带来成功。不过原来心底𥚃，谢东闵一直都好想唱返歌。“有㗎，我一直都有同公司讲返我唱歌意愿，可以唱返主题曲，因为我自己又拍紧嘅时候，唱返咪更有感觉啰。”