【港女讲感情】梁嘉琪被金志坚“绿帽”　千祈唔好信贱男会改过　

今日终于放完连假要返工，真系唔系几惯要返工，个个都“初四咁嘅样”，不过原来有嘢比返工更Sad。是非精梁嘉琪喺Facebook宣布同商台男友金志坚分手，平时见佢系节目度鬼杀咁嘈，但今次同男友分手就好平静，冇约埋记者朋友一齐喊苦喊忽，原因佢就表示话唔打算讲，都系通普遍分手理由一样，“两人之间的问题早已存在”，情侣个个都系咁，因相识而一齐，因了解而分开，好似容祖儿𠮶歌咁“大个女纵使失恋工作至上才争气”，梁嘉琪希望都系focus返喺工作上，希望大家畀啲空间佢。

【港女讲感情】情人节系场攻防战　袁咏仪收老公粉丝送花最有Face

【港女讲感情】平安谷女人嫁边个冇得拣　现代就有男朋友都难结婚

本身两个人唔夹分手就好小事，但就有杂志爆料话佢男友系偷食，仲食仲唔止，系食返前女友，前女友都未算尽，仲要搞大咗前女友个肚，真系好难计呢位金生犯咗几大罪。前女友本身就系所有女仔嘅禁忌，佢仲要有联络，其实净系呢条罪已经可以即飞，仲要大埋肚，真系唔使谂，即刻delete同unfollow啦！唔少网民都安慰梁嘉琪，大赞佢做得好，话如果唔系结咗婚先发现老公系贱男，到时真系后悔莫及。

的确，一次不忠百次不容，偷食绝对系死罪，零容忍！千祈唔好一时心软就原谅，偷食一次被你捉到就话啫，咁见唔到嘅都唔知发生过几多次啦，就算贱男肯改过，以后你都会心有戚戚然，成日形住佢一唔喺视线范围内就肯定会做衰嘢。对感情唔忠诚，就好似白纸唔小心染污咗一个黑点咁，会喺你心中划下一道裂痕，无论做咩都冇办法可以再修补，话知你发毒誓会死全家。既然有人狠心去伤害呢段关系，就冇谓再FF佢会改过，分手要狠，You deserve better！