【春晚】黄渤又唱又跳唔输小鲜肉　孖陈伟霆张艺兴组新男团都得

年又过年又有好多新年特备节目睇，就好似年年都是重头戏的内地中央电视台于年卅晚举办的《春晚》（《春节联欢晚会》）咁，今年亦唔例外准备了好多节目陪伴大家过年。继两位天后王菲同那英相隔二十年合体唱《岁月》掀起高潮之外，由两位小鲜肉陈伟霆﹑张艺兴孖著黄渤又唱又跳的表演，亦成为网上话题。

陈伟霆同张艺兴唱得跳得就人人都知，原来唔讲唔知黄渤都同样咁劲，孖著　两位小鲜肉表演一点违和感都没有，他们三人齐齐合作《最好的舞台》，轮流唱歌又跳舞，大跳复古Disco舞风起劲有力，动作又十分齐整，一点都唔输两位小鲜肉。三人睇起上嚟仲好似一组新男团，睇到观众哗然想唔到黄渤有咁大惊喜畀大家。

正正因为表演实在太精彩讨论度高搞到黄渤不知几开心，在社交网站留言：“唱得开心！跳得开心！你们开心吗再开心一下。”叫大家睇多几次，认真搞笑。