【波士早晨】简淑儿拍剧起步迟 演悲情女角入屋：希望进步比人多
撰文： 冼燕珊
出版：更新：
“宅男女神”简淑儿（Jessica）入行5年多，2012年参加香港小姐竞选，虽然落败，但从此加入娱乐圈，佢先在《娱乐新闻台》担任主持，后来有机会开始拍剧，在无线处境剧《爱·回家之八时入席》中饰演袁冰冰（Elsa）一角，因为佢甜美的笑容而引起网民关注，她于2015年分别与许雅婷（Kabby）、袁紫侨（CoCo）和温心（Swan），组成香港女子音乐组合“少女标本”，成为新一代“宅男女神”。
Jessica目前以拍剧为主，佢在TVB剧集《平安谷之诡谷传说》中饰演淼淼及《波士早晨》中饰演Hanna都相当令人注目，不过对于现时的演艺成绩，Jessica坦言不满意：“虽然好多人叫我唔好咁心急，慢慢嚟，但我年纪唔细，起步比人迟，所以我希望进步比人哋多。”不过只是拍剧，并不能令Jessica满足，佢希望可以作出更多尝试：“旧年都系以拍剧为主，希望可以多啲机会拍电影同广告，仲有希望可以出新歌。”
Jessica所演的多是邻家女孩，要不就是弱不禁风的悲情角色，连佢啲亲戚都话觉得佢啲角色好惨，所演戏路似乎有点窄，奈何形象太深入民心，一时三刻难以作出太大改变：“始终有些角色未必好适合我演，我未必驾驭到，依家汲收紧经验，希望慢慢可以精益自己嘅演技，进步多啲，先可以演更多嘅角色。”
而Jessica最想尝试的是演古装武侠片，因为小时候睇好多古装剧，令佢好憧憬演一个文武双全的侠女：“我想演韦小宝其中一个老婆双儿，佢既文武双全，又系最爱小宝嘅人，虽然佢唔系小宝最爱，但我觉得这个人很完美，我自己好钟意呢个角色。”
服装鸣谢:@toutacouphk
+3