郑裕玲帮刘嘉玲翻三十年冤案　拖埋周海媚落水：佢先系迟𠮶个

撰文： 冼燕珊
出版：更新：

郑裕玲（Do姐）邀请咗刘嘉玲上电台节目，两位阿姐好耐无见，喺节目上大爆当年情，Do姐大嘉玲8年，亦比佢早8年入行，嘉玲话初入行时，Do姐已经系阿姐级：“Do姐系前辈嚟，佢一入化妆间啲化妆师就叫我哋起身，让位俾Do姐坐。”Do姐闻言大笑话唔知有啲咁嘅事，仲话自己不知几和蔼可亲，不过嘉玲就话：“你𠮶时真系好恶㗎。”

Do姐今日邀请咗刘嘉玲同导演叶念琛上佢嘅电台节目，嘉玲直言Do姐后生𠮶时好恶。(IG图片)

讲讲吓佢哋就讲返起坊间流传咗好耐有关佢哋两个不和嘅传闻：“有件事真系要澄清吓，记得𠮶阵拍紧《流氓大亨》，有日有人迟大到，咁我见人迟到会好忟，我就问嘉玲系咪佢迟到，但迟到𠮶个唔系佢，传传吓就变咗我闹佢迟到，直至早几年《康熙来了》仲问紧嘉玲呢件事，但迟到𠮶个唔系嘉玲。”《流氓大亨》于1986年首播，咁呢单32年嘅冤案，究竟边个先系迟到嘅主角呢？

当年拍《流氓大亨》时，Do已经是阿姐级。(网上图片)

虽然事隔咁多年，但嘉玲就记得当时边个迟到：“迟到𠮶个系周海媚，佢迟咗两个钟，你当时就行埋去问佢：‘点解你要迟到，我依家去饮茶，你慢慢化妆先。’”Do姐就话自己一啲印象都无，同埋可能Do姐依家睇嘢好淡，呢件事又过咗咁耐，佢打圆场笑住话：“都唔知系咪你（刘嘉玲）记错，无啦啦拖埋周海媚落水。”

嘉玲话迟到𠮶个系周海媚，不过Do姐可能唔想多生事端，就话佢记错。(网上图片)
+3