胡蓓蔚单立文21年爱情路 始于豹嫂主动出击：成日借故上佢屋企
撰文： 冼燕珊
出版：更新：
豹嫂胡蓓蔚(Paisley)同老公单立文拍拖11年，结婚10年，两人整整一起走过21年的岁月，是圈中有名的模范夫妻，这天下午，约了Paisley细谈她与豹哥二十年的感情：“我哋嘅相识始于音乐，豹哥系唱片公司老细介绍畀我认识，佢系我第一只碟嘅监制，𠮶时成日借故上佢屋企练歌，当时对佢唔系特别有意思，系练吓练吓开始‘有啲嘢’，久而久之，慢慢变得一唔上佢屋企，就好似有啲咩未做咁。”
Paisley以歌手身份出道，当年只有 24岁，刚入行不久，与同样热爱音乐的豹哥趣味相投，Paisley大赞豹哥有才华，虽然未至于心生仰慕，但对他相当欣赏：“我果时帮佢起咗个朵，叫‘人肉卡拉ＯＫ’，佢一拎起支结他，咩歌佢都识弹，佢听一次就识弹，觉得佢好厉害。”Paisley说，加上他说话不多，望落好cool，令她觉得他很有型，不过谈到与现在的豹哥，风趣幽默，形象好像有点落差，Paisley笑说：“依家成个亲善大使咁系咪？可能因为人会变啦，不过依然成日嫌我嘈同多嘢讲。”
+2
两个人愈走愈近，愈来愈有默契，情愫渐生，终于在1996年年底，其中一方主动走前一小步，才能促成一段良缘：“无话边个追边个，两个人互相对对方有意思，你会感觉到𠮶种空气中嘅特殊电波，只系欠一个人开口问，我算系叫做主动行第一步，问佢要唔要开始呢段关系，其实大家都对对方有感觉先会Take action，我唔会向一个对我无意思嘅人表白。”之后两人一起拍了11年拖，本来是“不婚主义者”的Paisley，却因为朋友的一句说话而决定与豹哥结婚。
+5
场地：OM Tapas