【情人节】林欣彤唔唱冧歌学做小三：朋友觉得我份人好钟意忍
撰文： 邝钰莹
出版：更新：
林欣彤（Mag）去年重新演绎Dear Jane的《哪里只得我共你》大获好评，其处女执导MV亦在YouTube获得逾63万点击。相隔不足两个月，Mag又有新作面世，较啱时间于情人节面世，以为会系冧猪情歌，结果竟然是孽恋。
新歌《忍》MV找来好姊妹兼战友陈慧敏友情演出，饰演小三的Mag本身打算安慰好友陈慧敏失恋，谁不知撞正男友向其正印求婚，如同拍戏般的情节，Mag即时拎手袋走人，并在中环街头拔足狂跑，虽然拍摄当晚得十度，但Mag打扮十分单薄，再加上于大街上崩溃丧喊，真系我见犹怜！
事后Mag笑言整个拍摄过程最辛苦并非挨眼瞓及挨冻，而系喊：“我份人平时都唔系咁易喊，我好惊拍𠮶阵喊唔出阻大家收工，所以都几大压力。我早一、两日开始已经储定啲唔开心嘢，希望逼到自己喊。”她又感激好友陈慧敏倾力演出：“真系好多谢佢，因为佢系特登由澳门坐船过嚟香港帮我拍呢个MV，一拍就拍咗７、８个钟，搞到佢成朝头早７点先收工，真系相当唔好意思。”
对于今次《忍》MV内容及方向均一手策划，Mag表示：“其实点解会有呢只歌《忍》呢？系因为我有个朋友觉得我份人乜都好钟意忍，大家倾倾吓就觉得可以试做呢只歌。同埋我觉得情人节系一个好特别嘅节日，虽然有好多情侣会开心庆祝，但其实好多单身、或者感情生活唔系咁如意嘅人，系好想skip咗呢个节日，所以好想送呢只歌畀佢哋，话畀佢哋知，you are not alone。”