【无间道】朱鉴然细个时系百厌仔 去拜年被亲戚𥄫到实

农历新年将至，又系时候买定礼盒糖果准备去亲戚朋友屋企拜年。近日有网民就热烈讨论过年时所遇过的麻烦亲戚，话亲戚小朋友来拜年时常会搞乱档，例如擅自冲入房拿玩具玩，开电脑或游戏机玩，甚至有些网民话阿妈会送晒自己的玩具、游戏机畀亲戚，提醒大家要小心提防。朱鉴然 (Kevin) 今日出席剧集《无间道》活动时，问到他可有遇过甚么麻烦亲戚，他即笑谓：“又无㖞，因为我就系𠮶个麻烦亲戚，我就系要畀人处处提防𠮶个，哈哈。”

咁究竟Kevin细个去亲戚屋企拜年时有几百厌呢？他说：“都系通屋跑，走嚟走去会整跌啲嘢，食晒人哋啲糖果。都会有亲戚唔畀我入佢哋间房，同我讲话朱仔呢间房唔可以入㗎，有啲间屋大嘅，直情喺楼梯位置已经封住咗，唔畀我上去。不过我又唔会乱拎人哋啲玩具玩，我会自备玩具带去玩嘅。”Kevin直认细个时都几曳，试过在家中玩弹珠人射爆了花樽，弄到成个窗台都是水。

向来有健身操肌的Kevin虽然好注重自己的身形，但过年时都会应节食下贺年食品：“萝卜糕、年糕呢啲唔少得，因为之前戒口戒得太劲，几乎戒晒淀粉质，搞到个人有啲moody，新年要食返多啲嘢，但又唔会狂食嘅，都会有节制咁食。过年都会同屋企人赌下钱，玩下鱼虾蟹、斗地主同射龙门。”