Wanna One邕圣祐似足延宇英　求漫撕男拍《我的ID是江南美人》

唔少韩国电视剧都以漫画翻拍成电视剧，好似朴海镇、金高银主演嘅《奶酪陷阱》、朴炯植、朴宝英、志洙主演嘅《大力女子都奉顺》、李准基、东方神起成员沈昌珉、李侑菲主演嘅《夜行书生》、南柱赫、申世景、林周焕主演嘅《河伯的新娘2017》，以及李光洙、庭沼珉主演嘅《心里的声音》都系翻拍而成。而韩国电视台JTBC近日就韩国漫画《我的ID是江南美人》为翻拍项目，进行讨论当中更指即将会拍成电视剧，而节目组亦就演员选角一事筹备当中。《我的ID是江南美人》其中一个角色就由Wannable（Wanna One粉丝）力推Wanna One成员邕圣祐担任！

漫画《我的ID是江南美人》自2016年4月8日喺韩国网站Naver连载，喺一套讲述女主角姜美来因为外貌问题，姜美来向钟意嘅人告白9次都被拒绝，其后下定绝心要整容，不过姜美来系整容后内心仍然自卑。《我的ID是江南美人》亦有讲述姜美来喺读大学时同男主角都炅锡以及女配角玄秀儿发生嘅一连串故事。当中姜美来同都炅锡更系中学同学，而都炅锡仲系大学入面唯一一个见过姜美来未整容时外貌嘅人，至于两人点样发展成情侣大家就要等下电视剧《我的ID是江南美人》嘅播出，又或者抢先睇漫画版嘅《我的ID是江南美人》喇！

除咗3位主要人物姜美来、都炅锡同玄秀儿之外，当中姜美来嘅大学前辈延宇英学长都系大家讨论嘅对象，因为有Wannable指现实有人同延宇英长得几乎100%相似！唔通真系有真真正正嘅“漫撕男”？而呢位“漫撕男”主人公正正就系Wanna One成员邕圣祐啊！邕圣祐嘅轮廓、小脸、男神逗号浏海都同延宇英十分相似，加上邕圣祐早前都有喺许阁MV《Foolish》、Wanna One《Beautiful》中挑战过演技，Wannable直呼求邕圣祐要去参加《我的ID是江南美人》嘅Casting！

更多图片

Wannable捕捉姜丹尼尔@Wanna One又入医院　照完X光再做物理治疗

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/