“韩流专家”西瓜离开商台　自言最仰慕Jackson王嘉尔@GOT7嘅才华

撰文： 沈洛嘉
出版：更新：
西瓜今日就正式宣布月底离开商台。（网上图片）

一直喺商台同森美主持开《早霸王》嘅西瓜（本名：李澄）今日喺Facebook个人page上宣布月底就会正式离开商台，人称韩流专家嘅西瓜早前公开接受访问都有讲过自己第一队钟意嘅K-pop组合系少女时代，少女时代嘅演唱会仲系西瓜第一个睇嘅韩国演唱会添！

西瓜第一队钟意嘅就系少女时代。（网上图片）
继少女时代之后，西瓜最钟意嘅就系Epik High。（网上图片）

西瓜本来拥有自己嘅电台节目《西瓜大发》，不时都会请韩星上去做访问，好似MXM成员林煐岷、金东贤、MAMAMOO成员颂乐、玟星、辉人、华莎、GOT7香港成员Jackson王嘉尔等等，西瓜又有主持过池昌旭、Astro、MXM等嘅香港活动，接触到唔少韩星！其实森美都有主持唔少韩星show，好似Wanna One同孔刘咁，虽然西瓜系《早霸王》到就成日畀森美闹，但唔知森美同西瓜私底下又会唔会交流下咁呢？

西瓜主持过唔少韩星活动，当中包括池昌旭，希望池昌旭退伍后西瓜可以再做池昌旭活动嘅主持。（网上图片）

西瓜今日接受《香港01》访问时表示：“近年做过唔同韩星活动同访问，其实每个对象都好深刻，因为个个都好有个性、思想、又对工作好热情。但就好仰慕最近访问过嘅Jackson嘅才华同埋动力。另外池昌旭都系位好值得拍手嘅艺 好，因为池昌旭好爱锡自己嘅Fans！”之后再问到西瓜平时有无同森美交流时，西瓜就好多谢森美：“无论系唔系韩星，森美经常都会喺工作上畀意见我， 我有时都会问吓应该点做，而森美做司仪好叻、好熟练、又有好多谂法，所以我都喺佢身上偷咗好多师。”虽然西瓜即将离开商台，不过嚟紧都会继续留意西瓜喺司仪、配音、其他网上工作等等，期待佢喺韩娱方面都会继续有新表现啊！

西瓜仲有主持过MXM首个海外Fan Meeting。（网上图片）

更多图片

+7

[偶像练习生。访问]MC Jin好搞笑:GOT7王嘉尔细细个听我讲hip hop

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

Jackson王嘉尔红底贺新年　派利是畀GOT7拜年Jackson王嘉尔@GOT7推广香港旅游　用毛笔笑爆写中英文挥春亚洲电视再开台有TWICE　GOT7王嘉尔Jackson:“香港ATV YEAH!”