马国明谈如何令女友唔诈型：唔好令佢觉得被忽视
撰文： 冼燕珊
出版：更新：
马国明今日现身元朗，一身驱魔人Look拍摄TVB节目《降魔的捉妖游戏》，佢接受《香港01》访问，一向出名性格耿直的马明，表示自己唔擅长玩游戏：“好似七级猪果啲就唔系好擅长玩，成日输，不过捉棋例如象棋果啲就OK。”
讲起玩，马明就话佢放假有一个独沽一味嘅嗜好，就系踢波：“如果我𠮶个礼拜唔使开工，我真系会每日都去踢㗎㖞。（咁咪无时间陪女朋友心颖吗？）咁唔会踢足全日嘅。”好，嚟条终极问题，踢波同心颖，边样优先？马明就话：“问呢啲？！”佢谂咗阵就话：“会同佢（心颖）沟通咗先，佢唔系𠮶种管太多嘅人，俾我好多自由，同佢一齐好舒服。”
睇马明咁犹豫，大概系从来无经历过心颖诈型，其实心颖嘅安全感，完来全靠马明三招必杀技：“我觉得两个人要沟通，同埋唔好俾另一半感觉将佢排到好后，要主动做啲嘢令佢觉得自己喺你心目中系重要的。”
就嚟情人节，我哋之前问过心颖，佢话当日要开工，情人节前一日生日嘅马明都话连续两日都要开工：“我觉得生日𠮶日嘅工作系一份好好生日礼物，可以接到𠮶个job其实我好感恩。”