《恋与制作人》劲过《旅行青蛙》排第1　韩国Youtuber求出韩文版

对于K-pop迷嚟讲，早排推出嘅BTS防弹少年团真人育成游戏《BTS WORLD》都吸引唔少A.R.M.Y（防弹少年团粉丝），不过近日韩国YouTuber东东就同大家介绍另一个手机游戏《恋与制作人》，东东今次就邀请埋朋友慧敏一齐试玩。其实《恋与制作人》系一个假想恋爱游戏，开初东东仲话唔理解点解要玩呢啲虚拟恋爱游戏，但就因为近期都几hit，所以就拍片一齐试玩《恋与制作人》！

虽然近排《旅行青蛙》、《Monster Hunter World》（魔物猎人世界）、《真三国无双8》迷倒一众少男少女，仲有唔少男生已经将《Monster Hunter World》打爆机！但少女们喺等紧《旅行青蛙》返屋企嘅时候，其实都可以试玩一下《恋与制作人》，佢系一款同虚拟人物培养感情嘅游戏，唔使好似《旅行青蛙》咁净系得个等字。另外《恋与制作人》真系红到一众“李太太”玩家为咗《恋与制作人》入面嘅霸道总裁李泽言，仲买咗广东深圳京基大楼嘅外墙广告庆生，呢个外墙投影180秒至少都要花费12万人民币㗎！

东东同慧敏其实系100%地道韩国人，不过佢哋都有学过中文所以喺介绍片段入面多数以普通话夹集韩文沟通，但就喺读《恋与制作人》入面嘅过镜场白同各男主角嘅短讯时，就觉得啲字飞得太快，对于外国人嚟讲未睇晒就飞走咗，仲系YouTube条题上面写“求韩文版”！

之后东东同慧敏都愈玩愈投入、愈玩愈兴奋，最后慧敏仲问系咪可以同佢哋发展成为恋人，系咪只系同一个人？不过东东同慧敏就觉得其实喺游戏入面多多少少都会反映出自己现实中钟意嘅类型，虽然之前唔明点解要用《恋与制作人》呢类游戏嚟满足心态，不过依家就觉得其实呢个游戏都几好玩，如果有K-pop迷想试下都不妨下载试玩嘅。

更多图片

韩国Youtuber东东《恋与制作人》

A.R.M.Y梦想成真做经理人！　BTS防弹少年团育成游戏今年推出

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/