李光洙搣甩《Running Man》谐星形象　孖郑有美拍《Live》做警察

tvN又有新剧要面世喇！今次仲要系由《Running Man》嘅亚洲王子李光洙，同《尸杀列车》入面嘅地表最强大肚婆郑有美孖住上拍新剧《Live》。而《Live》系一套讲述以警察局内发生嘅事件为中心，努力维护日常重要价值以及正义嘅警察。不过《Live》就同平时睇开嘅警匪片有所不同，它系一套更注重李光洙、郑有美、成东镒（又译：成东日）、李施彦等角色之间深刻情感嘅剧集。

而喺《Running Man》或者其他综艺节目入面，李光洙多数都以谐星、搞笑一面示人，今次他虽然喺《Live》入面都系饰演“麻烦制造机”新人警察严尚秀，只系为咗生活糊口先做警察，不过喺真系做咗警察之后，李光洙先发现警察喺现实当中同自己想像嘅完全唔一样而感到烦恼，同时都燃点起李光洙嘅热情。但系当他搏晒命去做嘢时，佢每次负责嘅案件都会有倒楣嘅事发生，唔通喺拍戏入面都要加埋综艺神入去做元素？

《Live》将会接档由李升基、车胜元、吴涟序、FT Island成员李洪基等主演嘅《和游记》，3月10日正式首播！想睇到李光洙认真mode查案样，就要等多1个月喇！不过剧迷们唔紧要，睇住《和游记》先啦！

更多图片

《Live》预告片

郑有美同孔刘传绯闻　《嫉妒的化身》孔晓振ig嬲猪：点解唔系我？

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/