【旅行青蛙】容祖儿初做蛙奴：系咪仲有好玩嘅地方我未发掘呢？

日本手机游戏《旅行青蛙》（旅かえる）近日风靡中港台三地，不少艺人亦都陆续加入养蛙行列，圈中的蛙奴包括台湾代表五月天的阿信、S.H.E.的Selina、还有香港代表古巨基等。而容祖儿日前都因为好奇心驱使之下，开始了养蛙喇，不过她似乎不觉得有咩好玩。

今日祖儿于她的Instagram上载了一张key了《旅行青蛙》公仔的Selfie大头相，并留言表示：“同事介绍，贪玩的我立刻下一个试试看。但是，玩来玩去都系摘𠮶几PAUL草，同埋买下啲粮饷，啲相系几得意嘅。系咪仲有啲好玩嘅地方我未发掘呢？”睇来祖儿对呢只game充满了疑问，暂时仲未感受到游戏的吸引力喇，所以可能想请教下粉丝同网民啰。她还Tag了王菀之、泳儿以及商台DJ麻利亚，相信她们3个都应该有玩啦。

祖儿出post后，网民都纷纷留言，有网民就直言只game好无聊游戏，亦有网民同祖儿一样唔觉得有咩咁好玩话，除了讨论只game，都有人错重点，主力大赞祖儿靓女，仲话相中的她个样有些似舒淇呀。