Do姐再Shopping庆功萧正楠迟到 气温得10度马明著短袖Tee出席
撰文： 冼燕珊
出版：更新：
由Do姐郑裕玲领队的TVB节目《Do姐再Shopping》，在台庆上获得最佳节目主持奖，昨晚台前幕后一齐庆功，Do姐喺Instagram度Po咗一组大合照，除咗佢仲有农夫陆永C君、黄翠如、马国明，同埋监制周子妮及一班工作人员等，但就争咗萧正楠，因为佢要做嘢，所以大迟到，到佢赶到嚟，Do姐已经返咗屋企瞓觉，所以今次《Do》班底嘅大合照欠咗萧正楠。
《Do姐去Shopping》反应不错，Do姐加农夫同翠如，擦出不少搞笑火花，所以TVB添食拍摄《Do姐再Shopping》，今次仲去埋日本、丹麦、意大利行名店，虽然今次加埋马明同萧正楠主持，网民嘅反应好坏参半，不过呢个系列依然大受欢迎，有唔少网民留言大赞节目好睇，仲话希望原班人马跟住Do姐再、再Shopping，相信大家集气都好快成事！
虽然昨日天气回暖，不过最低温只得10度，但可能马国明来自西伯利亚，唔怕冻啦，全世界著到成只粽咁，而佢只系短袖Tee上阵，真系要写个服字俾佢。