《犯罪都市》尹启相@g.o.d为角色驳发 恶形恶相吓到店员唔敢对望
韩国电影《犯罪都市》由马东石（又译：马东锡）同尹启相主演，《犯罪都市》改编自2004年韩国黑帮真实事件，讲述由马东石饰演嘅韩国刑警带队打击以尹启相为主嘅黑帮“延边黑社会”一连串犯罪行动。
马东石手臂粗到一巴星晕人就系人都知，但大家对于尹启相嘅认知度就可能较低，其实尹启相以前都系男团出身，1999年以g.o.d出道同Danny Ahn系同岁朋友，13年公开同李荷妮拍拖后，直到依家都稳定交往中！旧年嘅《2017 Mnet Asia Music Awards in Hong Kong》（MAMA），都系以情侣档嚟香港出席活动，唔知香港粉丝又有无印象呢？
其实尹启相喺g.o.d入面算得上系成功转型做演员嘅一人，睇返尹启相喺《犯罪都市》入面嘅表现都不俗，加上今次系尹启相首次挑战做奸角，彻头彻尾一改尹启相深入民心嘅温柔形象。尹启相更有主动提出驳长发，其后更提起︰“无谂过去便利店买嘢会吓到店员唔敢同我对望”，虽然谂番起系好笑，但如果《犯罪都市》入面嘅张晨真系出现喺自己面对，又真系几惊想即刻落闸同佢讲闩咗门嘅……
虽然尹启相努力提出有关拍摄细节嘅建议，同时因为角色嘅关系，尹启相都需要努力学习延边方言同埋普通话，虽然尹启相嘅普通话就无100%韩国人嘅陈善圭讲得好，但尹启相就足足花咗2个月学最地道延边方言，另外，马东石仲有大爆尹启相就算当日无行程都会去到拍摄现场，睇得出佢都放咗好多心机落去！
更多图片
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/