简淑儿爸爸管教极严　细个唔俾拍拖只可去图书馆

宅男女神简淑儿（Jessica）于TVB剧集《平安谷之诡谷传说》中，饰演医生贾东阳（郑子诚饰）的女儿淼淼，她在之后的剧情中，将会跟周学文（谢东闵饰）私奔，逃离平安谷，但原来在现实中，Jessica也曾被家人阻挠她拍拖。

今日Jessica出席 TVB剧集《波士早晨》宣传，佢接受香港01访问时话，虽然佢在美国长大，但家人对她管教甚严：“由细到大，家人都对我好严谨，除咗图书馆，其他地方都唔准去，唔可以去公园，唔可以去朋友屋企。”不过管得愈严，子女反抗得愈厉害，Jessica都唔例外:“我当时比较反叛，会讲大话呃屋企人话去图书馆，但其实去公园同朋友屋企。”不过知女莫若父，Jessica爸爸试过因为唔放心，偷偷地跟踪佢：“佢仲要跟完返到屋企先闹我。”

Jessica爸爸唔只唔准佢去街，连佢啲衣著都干涉，裙太短同布太少都唔得，Jessica细个时一直都系短发，青春期开始留长头发，而且注重打扮，一度令爸爸非常担心，以为有男仔追佢，唔通每个父亲都有呢啲其通点？

其实Jessica爸爸之所以对佢咁严厉，都只系出自关心，Jessica话:“虽然爸爸对我哋好严，不过佢对我哋好好，非常爱钖我哋。”而最搞笑的是，Jessica爸爸喺佢细个时就担心佢拍拖，到佢大学一毕业，就催佢快啲有拖拍，最好即刻结婚添，Jessica笑言依家都会氹住爸爸:“揾紧㗎喇!”