【丁蟹效应】恒生指数今日忽然狂泻 原来同《大时代》有关？
撰文： 洪晓璇
出版：更新：
今日香港恒生指数忽然大泻1649点，唔少股民叫苦连天，大家都好想知道到底咩事，系新年前回一回，定系熊市先兆呢？有网友就话，一切源于郑少秋﹗又关佢事？最近秋官无特别搅作㖞﹗有网友贴左一张图出嚟之后，一切明白了……
1992年神剧《大时代》播出，呢套戏以股票市场为主题，咁啱就由呢一年开始，每逢有郑少秋主演嘅剧集、舞台剧，甚至演唱会上映时，同一时期香港股市好多时会出现下滑，由于郑少秋喺《大时代》饰演嘅角色叫丁蟹，故称之为“丁蟹效应”。咁同今次跌市又有咩关系呢？
剧中丁家几父子喺大跌市后齐齐走上天台，准备孖住跳楼自杀，无错就系呢一幕，写上2月6号下午5点，即系收市之后佢地输清光走上天台，日子即系今日﹗﹗对于呢个巧合网友都觉得啧啧称奇，真系咁啱定咁邪呢，不过随即有网友贴图唱反调，图中key上日子居然系6月7号﹗﹗﹗原来每次股市大跌，都会有人改一改日子Po呢张图一次，只能秋官讲句：“真系好无辜啰﹗”