【中华小姐】幸福人妻香香叉爆电劲索　deep V透视靓过今届华姐

幸福人妻岑丽香终于由马尔代夫返香港，出席《2018年国际中华小姐竞选》。香香一身性感打扮，除了大deep V，条裙仲系see through，完全身材若隐若现，睇嚟香香唔怕冻之余仲叉足电！

香香话去到马尔代夫，简直系远离尘嚣。“个度虽然有wifi可以上网，但我去到个度系舒服到，系可以全日都唔拎部电话㗎。”好多人话马尔代夫都只系个岛，去四日左右就够，但香香就话：“唔系㗎，去七日都唔会闷㗎，因为个度有好多水上活动，好relax，所以都唔会好闷，仲好开心。”

而香香今次去马尔代夫，系同老公阿强庆祝结婚一周年，“讲咗好耐话庆祝，但一直都冇，今次终于去咗旅行，当放松下。（老公有冇准备惊喜？）冇㗎！大家都系hea下㗎咋！”一齐静静地摊唞，都几幸福。