【中华小姐】游生做司仪受宠若惊　“冇谂过做咁有国际性嘅show”

出名讲波出色嘅游生袁文杰，最近做埋司仪呢瓣！一嚟就做大show《2018国际中华小姐竞选》。游生劲开心咁话：“冇谂过嚟到咁快就可以做一个咁有国际性嘅节目喇，咁可能因为我之前都有相关嘅经验喇，所以今次就有呢个机会。”话就话系国际性，不过游生半点紧张都冇，果然见惯大场面呀！

半讲波形式做司仪
比起讲波，游生话做司仪唔同嘅就系要记稿，而佢今次就话会以半讲波形式咁样做司仪，但详情系点，佢话睇完先知。不过游生就点评今年佳丽：“坦白讲有大部分嘅佳丽质素都好高，从佢哋嘅谈吐呀、举止动作睇得到佢哋系好高质素。”游生点样好似讲波咁讲女呢？佢就会留返节目都畀大家睇喇。