48岁谭耀文愈来愈有男人味　内地拍剧病咗无医生睇

谭耀文今日著起一身军装，现身新蒲岗，同林峰、蔡卓妍及方中信同场，拍摄英皇网剧《PTU机动部队》，他在剧中饰演高级督察，阿谭今年48岁，多咗几条鱼尾纹，男人味涌晒出嚟，拍住出晒名嘅型佬方中信，都没有被比下去。

阿谭话去年系丰收的一年，做完《风云5D音乐剧》之后非常忙碌，电影一部接一部，他说每个月都有新戏开，成日中港两边走，究竟在内地工作同香港拍戏有咩唔同，阿谭就话：“喺香港方便好多，放工可以返屋企，有太太照顾，有汤水同住家饭食，病咗又可以揾睇开嘅家庭医生。喺内地拍剧病咗无医生睇系经常发生嘅事。”咁点算呀？“剧组啲同事好好，我每次病咗，就会有好多人关心我，俾药我食，先可以顶住先。”