林峰避谈吴千语 加盟古天乐旗下有机会开拍《寻秦记》
撰文： 冼燕珊
出版：更新：
林峰今日同蔡卓妍(阿Sa)、方中信及谭耀文等，一身军装现身新蒲岗拍摄英皇网剧《PTU机动部队》，终于回归香港工作嘅阿峰，觉得跟在内地拍剧最大的分别是：“收工可以即刻返屋企。”睇嚟阿峰都系一个居家型嘅男人，佢仲话返到香港做嘢，见返啲熟悉嘅脸孔，觉得好有亲切感。
唔知熟悉嘅脸孔包唔包括盛传已经分手嘅“女朋友”吴千语呢？不过一提起千语个名，阿峰就话唔讲感情事喇，而讲到情人节点过，佢就大耍太极话新年同屋企一齐过，继续避谈千语。
林峰闻分手传闻不欲多言 跟吴千语仲有联络：不如你哋问吓佢啦
传吴千语另结富三代新欢上海蜜会 为保新恋情决心同林峰斩缆
咁讲返佢嘅工作，阿峰最近加盟古天乐旗下，佢话可以同古仔合作好开心：“一入行就认识佢，识咗咁多年可以正式合作，一齐做嘢好开心。”其实外间一直盛传古天乐会开拍《寻秦记》续集，依家古仔旗下有阿峰又有宣萱，成事嘅机会都唔细，而阿峰嘅回应其实都几正面：“呢个就要问返古仔喇，等佢正式同大家公布。”
林峰加盟古天乐旗下 《寻秦记》主要角色集齐开续集不是梦？
+3