《我独自生活》Henry刘宪华为妹豪花93万　下集有韩国女排金软景

韩国组合Super Junior-M成员Henry刘宪华近日出演韩国综艺节目《我独自生活》，上次就讲完Henry因为剥智慧齿成面肿晒又痛又讲唔到嘢，应该系Henry史上最少嘢讲嘅一日。寻日（2号）最新播出一集《我独自生活》就讲到喺香港工作嘅亲妹Whitney，终于放假仲特登嚟到韩国探哥哥Henry。

女仔好多时都会有一个幻想，就系好想有一个哥哥可以无条件疼锡自己，但通常喺现实中有亲哥嘅女仔都会同你讲“有哥哥唔一定系件好事”，原因都离不开成日被阿哥恰、阿哥成日老点自己做嘢等等。不过今次Henry喺《我独自生活》入面就化身做“爱妹号”，难得Whitney一场嚟到韩国，就带咗佢去化妆、set头、买衫，想买咩就买咩！最后Henry卖单一共使咗936,000韩圜（约HKD$6,722），虽然Henry卖单之前露出不舍之情，但就有问Whitney开唔开心？Whitney就当然开心啦，见到Whitney开心嘅Henry即使豪使93万韩圜都无所谓啦！

其实Henry事后接受《我独自生活》节目组访问时表示：“平时无机会买嘢送畀屋企人。”Henry作为哥哥所以就怀住补偿嘅心，咩都好想买嚟送畀妹妹！但现实入面又有几多个好似Henry、允浩@东方神起又或者李灿赫@乐童音乐家咁锡自己妹妹嘅哥哥呢？

除此之外，下集《我独自生活》节目组仲专程飞咗去上海揾韩国女排队长金软景（又译：金延景）拍摄，金软景现时效力上海光明优倍女子排球队，仲有好多粉丝支持㗎！不过当金软景听到中国粉丝大叫我爱你时，就以“下…”回应，可爱又带啲高傲，好想再睇多啲金软景私下一面啊！

Henry《我独自生活》片段

【MBC演艺大赏】Henry@SJ-M得奖暗念SHINee钟铉：人生既短又郁闷

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/