【脸红的思春期】智煐清唱《Galaxy》冧粉丝　智润好期待演唱会

今次真系终于等到喇！脸红的思春期两名成员智煐、智润本来就约咗香港粉丝上年见面，但就因为智煐感冒，《BOL4 Concert in Hong Kong》逼住需要取消，但系挂住香港粉丝嘅脸红的思春期，喺智煐身体恢复之后，好快就再次嚟到香港同粉丝见面喇！

张颖伦摄

今日脸红的思春期就嚟到新蒲岗Mikiki同香港粉丝见面，当中仲有唔少学生喺放学之后赶到现场见偶像一面！虽然《Mikiki X BOL4 Concert in Hong Kong》记者会原定下昼6点半开始，但因为脸红的思春期就因为行程关系，晏咗少少大概7点先现身，不过现场粉丝见到脸红的思春期甫出场即时尖叫欢迎，而脸红的思春期就以广东话打招呼：“大家好！我哋喺脸红的思春期！”
 

智煐知道粉丝担心佢早前病咗，都同大家交代依家已经好返晒！而MC再问到脸红的思春期对香港粉丝印象喺点？智润回应：“觉得香港粉丝好积极，同时都好期待听日嘅演唱会！”而智煐就话：“第一次喺香港开演唱会好幸福，一直以嚟都好想黎香港，好想做好今次演唱会，下次可以再黎！”
 

讲到脸红的思春期听日嘅演唱会《BOL4 Concert in Hong Kong》时，智润表示：“今次演唱会选曲同之前好唔同，大家可以期待一下！”再问到平时作曲灵感系点嚟时，脸红的思春期就话：“多数都系有关日常生活，睇电影或者电视剧时又会投入当时主角心情，谂下佢哋会系点，再放自己感觉落去，希望大家会有共感。”

最后脸红的思春期仲清唱咗《Galaxy》同《First Love》送畀现场粉丝，想听更多更足本好歌就要听日去到现场《BOL4 Concert in Hong Kong》喇！脸红的思春期最后仲有同上台嘅粉丝以及现场粉丝一齐大合照！

（观看更多） 脸红的思春期香港演唱会　因“不可避免的情况”延期

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/