传TVB出手低做冇瘾想离巢 陈豪：我主要睇返合作团队
撰文： 温菁莉
出版：更新：
睇番TVB近年花旦小生走得一个得一个，今日就有报导指连曾经夺得视帝的陈豪亦即将约满，之后就正式同无线十七年的宾主关系。陈豪更有意展望神州北上赚人仔帮捕下家计，据悉近年TVB有不少剧集都利用他带领一班新人，当然系好无瘾喇！陈豪今晚出席台庆剧《夸世代》庆功宴时，当然被传媒追问此事，其后他接受《香港01》访问时就直接否认传闻：“合约其实仲有一段时间，但我3月真系去内地拍剧，拍咩剧就等佢地再公布喇！”
报导指陈豪在5年前已经有外闯念头，但当年撞啱陈茵媺意外怀孕，他逼要续约用来换上太太停工不用拍剧的条件。他对于此事都系一笑置之，指太太好支持佢到内地发展，亦唔担心会同小朋友少见面，“佢支持我就等于我支持佢一样，咁到时我都会抽返时间返嚟一两日，或者到时佢地又可以嚟探我！ ”据悉，TVB亦有因此多次找陈豪倾合约，但次次陈豪都不动笔签约，皆因TVB出手低。他闻言后亦有解释，“都唔可以咁讲，我主要睇返合作团队，唔系传闻中咁讲。”
提到今年3月阿Mo仲会离开香港3个月首次到内地接拍电视剧，众所周知陈豪嘅普通话一向都好“普通”，问到有无揾老师学习，陈豪笑言，“我第一套剧就系拍国内剧，对白都系我自己读，所以完全唔担心。”阿Mo最后仲自夸系“国语王”，唔知点解大家咁担心佢嘅普通话！