【港女讲感情】阿娇钟欣潼认爱赖弘国 有钱有样边使人“埋单”？
撰文： 李妍桦
出版：更新：
给女人一个家就是嫁，听起嚟好温馨，但原来女人过咗30岁同人结婚就会被话系揾人“埋单”，呢个系咩玩法？阿娇寻晚喺IG度Share张3卡巨钻戒指相话畀大家听佢结婚，点知大家除咗祝佢幸福快乐之后，竟然又抽返淫照十周年水，又话咩有人肯要阿娇就执到啦，仲笑话佢未婚夫赖弘国系“办年货”，好心网民积下口德啦。
【港女讲感情】旅行青蛙点解咁受欢迎 青蛙唔受控制最中女人心理
【港女讲感情】陈嘉倩陷入感情三角大混战 贱男一拖二先最抵闹！
成日话“你的样子如何”，以阿娇个样嚟计，冇10分都有9分啦，可以娶到阿娇绝对系一件好似中咗六合彩咁开心嘅事，可能未必啱每个人胃口，但肯定唔系卖剩蔗咁要等人埋单咁啰！大佬，阿娇㖞，系咪大家葡萄咋，如果今日同阿娇结婚嘅系你，我谂大家未必会觉得系埋单，而会觉得系执到宝。
我知你实讲咩㗎，话女仔畀人睇晒全相唔值租啦，喂，你估佢想㗎？人哋同男友拍拖，揸机又唔系佢，佢出道系做Twins唱《女校男生》，都冇话要做苍井空拍爱情动作片，要闹应该系闹拍𠮶个陈生，又或者偷片𠮶个奇拿啦，有咩可能Blame the victim，唔好仲停留喺女仔著得少布去酒吧就要被人非礼强奸啦，2018年依家。
+5
理性分析，埋单通常都系话女仔结婚揾个比自己有钱嘅男人，希望嫁畀个ATM，但阿娇话晒都系香港第一女子天团Twins，身家好多个“0”，又有几层楼揸手，点听都唔系要揾人埋单啦。加上大家望吓阿娇未婚夫赖弘国𠮶堆EX.，全部都系得心口嘅G cup，阿娇个样绝对赢几条街，边有得比。所以话阿娇系揾人埋单，Are you kidding me？佢又有钱，又有样，调翻转话阿娇帮台仔揾单唔得咩？