【港女讲感情】旅行青蛙点解咁受欢迎　青蛙唔受控制最中女人心理

近期日本手机Game《旅行青蛙》劲hit，个个都拎住部电话话要等个囝返屋企，唔系就问个囝几时出街，未玩过只game嘅大家可能一头雾水，尤其系平时玩开《绝地求生》（PUBG）食鸡，又或者Monster Hunter屠龙嘅巴打，唔知仲以为女朋友成日拎住部电话，好似“我的港女老婆”咁偷食。

【旅行青蛙】许茹芸《寄信人》中文版MV出炉　 听住嚟玩超有FEEL

【旅行青蛙】五月天阿信、Selina@S.H.E齐深陷　当正系自己仔咁养

其实《旅行青蛙》就唔系咩咁厉害嘅game，就类似Tamagotchi咁嘅育成游戏，即系养青蛙，听落好似无无聊聊咁，有咩咁好玩啊？佢巧妙之处，就系只青蛙仔唔会受你控制，你虽然可以帮佢改名，但你唔可以指示佢去做嘢，所以最吊大家瘾就系你唔知佢几时𨅬街去旅行，又唔知佢几时先去完旅行返屋企，呢种捉摸唔到嘅感觉就最令大家“啰啰挛”，只可以时不时拎部电话禁入Game睇吓阿囝喺唔喺屋企，完全好似未拍拖𠮶阵同对方估估吓嘅感觉。

女仔就最钟意呢种错摸心理嘅feel，即系好似观音兵点解做极都系兵，而MK仔就咁易食到女神，除咗系因为“你的样子如何，你的日子也必如何”之外，最重要就系通常兵都系随传随到，叫你做乜就做乜，都冇咩挑战性，畀人感觉奴性好重，唔使你做嘢仲揾边个。而MK仔行事我行我素，永远都估佢唔到，就系咁有个性先吸引到女神注意，就好似青蛙仔咁，你想佢返屋企佢又唔系到，你唔想佢成日留喺屋企，佢又仲坐喺度食早餐，咁有自己Style就正中各位姊妹下怀喇，抵《旅行青蛙》咁成功嘅！