【平安谷】朱晨丽都无得幸免被打 ：三奶奶之后变得好坎坷

正所谓“多女人嘅地方就会多是非”，剧集《平安谷之诡谷传说》除了睇一班女村民怎样团结抵抗男尊女卑的情况外，识睇一定睇埋仲有睇剧中陆家入面不同嘅二、三房点样勾心斗角。在剧中饰演三奶奶的朱晨丽每次见到佢出场都系同猫仔德德玩，而刘江从未打佢。朱朱接受《香港01》访问时就指之后剧情就会峰回路转，三奶奶亦会变得好坎坷，“因为龚嘉欣走咗之后，我就会被苏玉华揭发咗啲秘密，而佢亦同刘江老师讲，所以我开始就有危机。”

咁危机系咩？朱朱笑言就系逃不过要俾刘江打喇！提到剧中饰演陆家管家阮兆祥同佢都有感情线，朱朱就透露，“大家都知道佢由我一入陆家就钟意我，但我其实对佢完全系无feel嘅。因为我都系钟意之前𠮶个男人，而我对管家咁好，当然我都系有目的。”之后要到菲律宾拍摄剧集嘅佢，就话应该无时间睇返套剧，但希望粉丝可以留意下佢嘅演出，系Instagram俾下意见咁！