《无间道》主题神曲崩坏　网友嘲小齐梁汉文“格格不入”　

号称斥资逾亿人仔、由爱奇艺同寰亚合作的网剧《无间道》，上星期起于TVB紧接《溏心风暴3》播放，由罗仲谦、罗嘉良、苏丽珊、廖碧儿等主演，加埋一堆大卡士嘅明星客串，虽然唔系新剧，但阵容都算令人期待。不过最近就有网民投诉由任贤齐同梁汉文翻唱嘅《无间道》主题曲太难听，仲夸张话每晚TVB一播套剧，佢就要即剧返入房关埋门，仲要带埋耳机塞住对耳仔添！

好多人都诟病任贤齐咬字唔正，小齐嘅母语系国语，睇返首歌嘅MV，片中佢为咗努力做到字正腔圆，个咀郁得太夸张，非常抢戏。而可能由于小齐同梁汉文系分开录音嘅关系，两人嘅和声又唔系好夹，成首歌感觉好奇怪。

无对比就无伤害，不少网民拎呢个翻唱版本，嚟同刘德华、梁朝伟合唱嘅原唱经典版本比较，仲话无论定歌声都比唔上原唱添，而有网民仲好专业咁评论话：“新版比旧版少左背景嘅“砰砰”声重拍子，所以好似比旧版少咗点刚阳江湖味；”不过佢嘅意见其实都好持平：“但正正好似电影版十五年后，变成后续电视版咁，新版比旧版演绎得更细腻，演绎出十五年间嘅沧桑同变化！”唔知大家又点睇新版同原唱呢？

【刘德华演唱会】电影歌曲之最 有冇可能听到同朝伟唱《无间道》 《无间道》一年后用返广东话播 大家又可以齐齐揾真凶 【无间道】内地演员朱锐最抢镜 同罗仲谦感情戏好激情

部份网民留言:

真系唔掂，效果出黎好差，听到未够一半已经要STOP，我都觉任贤齐好怪，格格不入!对不起，还是原唱者唱得好听啲，呢个版本总系差咁啲气势，无𠮶种感觉。刘德华同梁朝伟个版本先好听兼有气势，呢个就差咗啲。