【开心速递】大小姐讲句无聊话都上晒心　送水辉终于动真情

无线处境剧《开心速递》入面咁多条感情线，相信一班观众同网民最钟意睇的，就是大小姐 (林淑敏饰) 同送水辉 (许家杰饰) 呢一对CP喇。而一开始只有大小姐的疯狂单恋，送水辉依然不为所动，到昨晚播出的一集，送水辉终于因为大小姐的金句而真心欣赏大小姐，仲不知不觉对大小姐动了心添，大小姐讲咩他都记上心。看来呢对CP的恋火已经暗地里在慢慢萌芽，真系好想快些看到他们两个正式拍拖呀。

而剧情讲大小姐同公司同事去做义工时，为了捍卫穷人的尊严，就大爆金句话：“人有尊严㗎，有要求有几出奇呀？如果我龙力莲将来就算乞食，都唔系话系畀乜嘢我我都要食㗎，我都一样可以拣食边个垃圾桶嘅垃圾。”就系呢番说话令送水辉劲buy，仲于他同自己个仔见家长时引出了出来。事实大小姐又真系讲得好有道理，送水辉咁撑她都可以理解。但就连大小姐随口讲句无聊话：“我就算企喺度撩鼻屎都可以撩出个5毫子。”送水辉却竟然记住兼且苦思呢句话的意思，连发梦都谂住，上晒心，咁仲唔系对大小姐动咗心？