黄心颖收到马国明生日礼物好开心　大赞男友：佢愈来愈知我谂乜

黄心颖刚刚度过29岁生日，生日正日有男朋友马国明同佢庆祝，问到马明送咩礼物，心颖就甜笑话系秘密，咁唔知份礼物系伊人开到声话要定马明咁醒水识拣礼物呢? 心颖笑言一半一半啦。马明出名天然呆，望落木独嘅佢唔似猜得透女孩子心事，唔知有无曾经因为不解温柔激亲女朋友呢？心颖:“佢系一个好简单嘅人，我地相处耐咗了解深咗，佢愈来愈知我点谂。”

就嚟情人节，心颖就话果日应该要开工，未收通告所以安排唔到节目，而且佢仲遇到一个难题:“佢（马国明）生日系正情人节之前，所以都几麻烦。”其实咁样仲好啦，生日情人节一齐过，仲可以悭返份礼物添!

之后紧接就系新年，心颖话都会去对方屋企拜年，而家长亦都已经见咗，仲系两家人同台同心颖庆祝生日，佢话都好casual无话好紧张，马明屋企人咁锡心颖，睇嚟心入面都已经默认呢个准新抱。