郭富城预告年底开巡唱　追多个小朋友顺其自然

撰文： 冼燕珊
出版：更新：

郭富城今日一身红色衫，出席新春活动，城城话过去几年新年都好忙，工作中度过，但去年成家立室又做埋老窦就唔同讲法喇：“今年嘅新年同往年好唔同，屋企添咗个小成员，热闹咗好多，妈咪同我都好开心。”咁不如再生多个，咪更热闹啲啰？城城坦言都有咁嘅打算，但一切顺其自然咁话。

城城一身红色衫迎新春。（陈祯摄）

郭太方媛日前喺微博表示可能由于坐月坐得唔好，所以搞到一弯腰就痛，城城回应都话心疼太太:“为人母亲，真系好辛苦，为小朋友付出好多心血，我会好好对待身边嘅人，希望佢可以早日好返。”

城城话都想再追多个小朋友。（陈祯摄）

有咗家庭之后，城城并没有松懈，佢话因为家庭而更加努力工作:“今年年底会举行巡回演唱会，预计先开50场，今年还暂定拍三部电影，所以拍完戏先搞演唱会。”

城城心疼老婆方媛生完囡之后开始腰痛。（陈祯摄）

相关文章：

城嫂方媛产女患后遗症　深夜求救：一弯腰就酸痛

 

+3
城城预告年底开50场巡回演唱会。