谭嘉仪gel甲下厨被网民批评　美女厨神：平日我一定唔会留指甲

港产美女厨神谭嘉仪 (Vivi) 日前有段访问片出街后，因为片中的她整晒gel甲切嘢，加上手势又不太顺畅，随即就惹来不少网民的批评，指她身为法国蓝带厨艺毕业生，着住厨师衫化身为一位厨师的她，表现得非常之不专业，有网民留言话：“未见过厨师留指甲仲要整埋gel甲入厨啰”、“咁长指甲煮嘢食好唔卫生呀”、“切嘢切到姐手姐脚咁”，而对于网民的负评，Vivi亦有留言回应解释。

对于被指竟然整晒gel甲入厨兼切嘢手势不专业，她说：“因为当日有另一个工作需要gel甲，之后拍𠮶条访问片又赶唔切拆走啲gel甲，我真系煮嘢食嘅时候系绝对唔会留指甲，喺东京读蓝带时都一定要剪晒指甲，就连指甲油都唔可以搽。我唔系厨师，即使读完蓝带，我也只系一个热爱下厨嘅女仔。做访问时因为Gel甲太长，所以切嘢时要就住。”