陈建州偷影保母偷著范玮琪高踭鞋　小亨堡揽过男神彭于晏

有留意黑人陈建州和老婆范玮琪社交平台的粉丝，都会留意到他们一对孖仔飞飞翔翔的保母小亨堡，小亨堡仲成日被陈建州整蛊，而佢嘅被整嘅逗趣表情令佢意外走红，黑人1月25日喺Instagram同Facebook上载咗小亨堡试著老婆范范嘅高踭鞋，写下：“小亨堡昨晚偷穿范范的高跟鞋，准备参加今晚她妹妹的婚礼。”

睇张相嘅画质，应该系黑人从监控视像上影低嘅，平时打扮中性，著开波鞋嘅小亨堡显然著唔惯高踭鞋，勉强企起身都企唔直个人，尴尬到双手掩面，画面违和得嚟又充满喜感，呢几张相一贴出嚟几粒钟就吸引超过五万个Likes，仲多过佢平时自己的相，好多网友都留言话小亨堡好可爱添！

作为明星家的保母，小亨堡享有好多令人羡慕嘅员工福利，例如成日可以集邮，佢仲试过揽住男神彭于晏影相，恨死一众彭太。