刘佩玥冇人追　唯有同姊妹过单身情人节：陈滢系我老公

刘佩玥(Moon)今日孖好姊妹陈凯琳(Grace)出席活动，两个著上和服好Kawaii呢！Grace率先预告情人节同男朋友郑嘉颖过，而身旁同周志文传出绯闻嘅阿Moon就话自己单身，情人节无情人：“今年都是跟去年同前年一样在工作中度过，希望下年有好消息话俾大家知啦。”问到有无人追，阿Moon就话无:“身边有一班好姊妹包括陈滢、何雁诗、陈凯琳，有佢地喺我身边做我嘅守护天使，我仲称呼陈滢做我老公，我有佢就够架喇。”

阿Moon于剧集《降魔的》中饰演啤啤一角大获好评，但竟然无入围最佳女配角，令人大跌眼镜，但阿Moon就话唔介意:“我未够年资拎奖，能够入围我最喜爱女角色已经好开心，拎奖都系其次，我唔系好紧张奖项，最重要努力演好每一个角色，观众喜欢我就满足。”