唐诗咏惨成网络欺凌对像　新视后自白：我最担心系爸爸

本来得奖系开心事，但TVB历来有唔少艺人因为得奖而被网民讨伐，人气不升反跌，奖项反而成为一个魔咒，好似唐诗咏本来人气相当不错，入行多年零负评，但当佢登上视后宝座之后，就好多引来挞伐之声，而对负评，Natalie今日出席活动就话:“当然会唔开心，但我最担心嘅系我爸爸。”

原来唐爸爸刚刚学识上网，Natalie好担心佢见到啲负评:“自己作为艺人识得点去面对呢啲评论，但爸爸唔系艺人，佢唔识得去处理，好担心佢会唔开心。”不过因为Natalie喺颁奖礼完咗之后就病咗，每日都瞓喺床上休息，所以未有好多时间开导爸爸。

【万千星辉】马明失落视帝　唐诗咏：佢永远系我最佳男主角！

【万千星辉】唐诗咏终夺女主角　喊住多谢田蕊妮：听我呻又陪我瞓

讲起Natalie唔舒服，有网友话颁奖礼𠮶晚，当宣布蔡思贝夺得我最喜爱女角色奖时，Natalie黑面，引起粉丝骂战，Natalie解释话:“其实咁啱星加坡同香港嘅颁奖礼都撞正女人唔舒服果日，我都解释咗俾𠮶位网友知，希望大家明白。”其实唐诗咏都挨咗好多年先有今日，大家都系唔好咁针对诗咏啦。