【平安谷】陈滢演青兰收一蚊利市　去便利店被寸：一蚊边买到嘢

在香港，演员拍摄灵异片或者饰演死人病人都会收利是，陈滢饰演嘅青兰喺剧集《平安谷之诡谷传说》中死得咁惨，当然有收到呢封tvb特色“一蚊利市”，佢今日出席活动接受我地访问时，就话当日拍完喺泥度爬出嚟嘅戏份之后，即刻拎果一蚊利是去使，点知困难重重!

Jeannie当晚拍完果戏，就即刻去便利店使咗一蚊，佢同店员讲:“Hello，我想用咗呢个一蚊。”个店员毫不留情咁话:“一蚊边度买到嘢，咪玩啦。”Jeannie之后谂住买条朱古力搭埋个一蚊用咗佢，点知个店员唔接受，最后要买一堆食物，督咗好耐计数机先成功洗咗果一蚊。虽然今次青兰嘅戏份好少，但Jeannie就好开心可以演出呢个角色:“你会惊佢，但最后令人觉得心疼，为佢感动，呢个系我之前未试过遇到的角色，所以我很高兴大家喜欢青兰。”

至于点解戏份咁少，Jeannie就话要问返监制喇，但佢话:“据我所知，监制见到青兰呢个角色就谂起我，我初头仲觉得惊惊想拒绝，叫佢揾第二个，原来佢当时剪紧«全职没女»，见到我其中一场喊戏，佢觉得演得好可怜，所以觉得我好适合演青兰。”Jeannie话好信任监制嘅眼光，所以接咗剧本，而佢都不负监制所望，演得好好呀！

【平安谷】成日被鬼压　陈滢：见到啲唔应该见到嘅嘢，已经惯咗【平安谷】陈滢翻生究竟系咩一回事？　不过原来佢最终都难逃一死