【中华小姐】余思霆睇好自己纽约同胞夺冠：佢有问我拎意见
撰文： 黄梓恒
出版：更新：
早前在TVB 50周年台庆中，抽中了有一百万奖金奖品之外，还有三十万免还款信用卡的应届中华小姐冠军余思霆，当时就表示丧买波鞋。事隔至今已经两个几月，究竟思霆用晒啲钱未呢？接受《香港01》访问时她说：“未用㗎，因为上星期先拎到钱，系呀！啊！25号出新波鞋！有成10只颜色，我会买4，5对。我系追Jordan，超级Jordan迷，细细我会打篮球，不过而家无喇，只系钟意Jordan鞋。”对Jordan好专一呀！
入了TVB无耐，就已经入了剧组，拍摄《好日子》，不过今日参加中华小姐活动前都要开06（早上六时开戏），咁咪好累㖞？她说：“系呀，其实我enjoy嘅，呢套剧无前辈讲嘅咁辛苦，我觉得而家未到个辛苦位，同班同事又好开心。我饰演一台湾人，无咁多人理我口音，我之前会觉得自己广东话讲得唔好，会紧张，但系监制对我真系好好。我而家未有时间学演技，都系向前辈请教吓，同埋练紧我嘅广东话，好彩今次我嘅角色系一个去咗台湾读书嘅香港人，无咁大压力。”
+4
自己是上年中华小姐冠军，今年又有份做嘉宾，看完16位佳丽后，究竟思霆睇好边个呢？她表示：“我睇好自己成长地纽约喇，都有少少希望嘅！我唔识佢，不过上年8月返去做评审𠮶阵都见过，倾过吓偈，佢都有问我tips。其实tips都系做返自己，最紧要系自然，令观众睇到自己系舒服嘅，唔好做太多嘢令人觉得唔舒服。”其实人可爱做咩都令人咁舒服，思霆就是一个好例子。