【仙后餐厅】张敬轩成日同人撞样　最爱原来系球星卡卡：佢最靓仔

个个都撞样，唔同个个都想撞样？虽然这句话已经太out了，可是对于张敬轩来说，正常过正常！还会找自己的分身放在Instagram上自抽一下。最经典就是轩仔模仿Emma Watson低胸Look，当时身处东京的他，忽发奇想将第二日的早餐用作素材，即场来个low cost cosplay（低成本模仿人物），轩仔笑言：“当时我喺日本，就谂点样先扮得似呢，于是我就谂面包就摆喺头上喇，咁摆咩喺个身度呢？我就有两个plan嘅，一个就系乌冬，可以系lowcostcosplay，另一个就系装水果嘅网，但系又揾唔到太多材料，所以就地取材，就用咗纸巾，都系for fun㗎咋。”

而记者同轩仔玩个小游戏，除咗认得自己其中一个分身Emma Watson之外，其他例如球星卡卡、比比、宋芸桦等，都不太认得。轩仔更搞笑地将宋芸桦认错做张靓颖…咦咪即系多一个人同佢撞样？不过，仲有分身令轩仔好深刻，就系年轻练马师麦伟利，他说：“佢系新一代好出色嘅练马师，我有约过佢，出嚟饮嘢或者教我骑马，可惜佢喺香港冇牌，所以佢就要走。”而咁多个分身，佢就最钟意退役巴西足球运动员卡卡：“佢最靓仔最似我！”他提起出撞样的ig post打大量hashtag时，都会“笑到gap gap声”，仲话搞笑时记得要“一定要自己开心，先可以令其他人开心”。

讲完轩仔身上有搞笑因子之后，就要说说他认真的一面，他的认真不只用于作曲、音乐层面。最初筹备餐厅时，轩仔亲自搜罗装修素材，而餐厅内的台布，都由轩仔亲自铺，他发现当中都有学问：“我记得第一次铺台布都花咗唔少时间，中式同西式都有唔同铺法，而西式多数都系方型嘅台，而铺𠮶时个窍门就系，拎起台布嘅尾端，然后放上台个中间对折，咁样先可以确保张台可以四边长度一样。”熟能生巧，而家轩仔铺台布已经系大师级喇。