JW王灏儿Fans年龄层愈来愈阔：依家出街有叔叔姨姨同我打招呼！

JW王灏儿日前喺Instagram贴出一系列歌迷俾佢嘅文同留言，睇落粉丝嘅年龄层都好广阔，有初中学生，又有中年姨姨，JW好感动话:“发现原来努力真系可以改变一个人对你嘅印象。好多野唔系即刻有回报，但系只要你一路坚持，一路继续做好自己，总有一日系会打动到人！”

JW今日出席“慈善星辉仁济夜”记招时，就好开心咁话发现其实粉丝嘅年龄层一路咁扩张紧：“之前我啲粉丝最细我估去到中五度，估唔到依家啲中一中二嘅学生都开始钟意我。”啲歌迷唔知愈来愈细，仲扩展到中年级别：“依家出街有啲叔叔姨姨同我打招呼，我好Surprised呀，无谂过佢地都有留意我。”JW仲话连父母啲朋友都开始问佢拎签名添！