马天佑人格担保 好友吴千语唔拜金
撰文： 冼燕珊
出版：更新：
吴千语近期被标签为“拜金女”，据传搭上富三代施伯雄，飞起林峰，作为千语嘅好朋友，见到佢俾人咁话法，马天佑今日出席《慈善星辉仁济夜》记招时，就为密友护航：“我敢以人格担保，佢唔系果啲好似报道所讲嘅人。”问到千语有无为报道而唔开心，有无揾佢倾诉，马天佑就话：“佢都系一笑罝之啦。”
咁究竟依家林峰同千语嘅关系系点？其实作为二人密友嘅马天佑无理由唔知，不过佢依然三缄其口：“其实呢啲都系交返俾佢地交代啦，千语依家身处内地拍紧剧，就嚟煞科，好快返嚟香港，相信佢好快会交代返件事。”
仲有报道话千语嘅新欢系马天佑介绍嘅，他觉得自己无辜辜被拖落水，略带激动咁伸冤话：“我要澄清返无呢件事，睇到报道我都一头雾水。”马天佑指自己认识施伯雄，但否认有做红娘牵红线：“你估我做婚姻介绍所咩。”