【仙后餐厅】网民关心降两度多过轩仔　张敬轩：佢份人古灵精怪

张敬轩有份投资的“仙后餐厅”上星期终于开幕。好高与在餐厅开幕之前，有机会踏足如此雍容华贵、充满复古味道的地方跟轩仔做访问。在准备之时，记者身边正有一个轩仔的die hard fans，对偶像的喜爱程度直逼钻石级。她得知我将会接触轩仔，当下手舞足蹈之余，还嚷著：“师傅师傅我有嘢问！”当然她的问题显得相当迷妹，“轩仔嘅择偶条件系咩呀？唔知我系咪佢讲𠮶个呢…哈哈！”在充满FF的情况之下，又在网上搜集网民对轩仔的迷思…精心挑选了终极两条问题问下轩仔，而他的反应相当可爱！

怪癖未必人人有，但轩仔的怪癖却是很常见：“我一谂嘢就会咬手指。”而他咬手指是无意识的，“唔关紧张事㗎，个脑一有运作就会咬，好似load紧部机咁。”未知有咬手指习惯的人，是否都有同样迹象？另外，轩仔笑言自己好“嗅米气”：“我上台前一定要食饭㗎，有时会食一碗，有时又会食两碗，唔食嘅话我真系会晕㗎，因为我试过真系会虚㗎，试过喺台上觉得唔对路，搞到要死顶，但系食其他嘢呢又唔得㗎，试过朱古力又冇咩用。”不过，上台都要体力，保持血糖水平都正常嘅。

另一方面，其实自从轩仔介绍“好朋友”降两度跟大家见面之后，大家对她／他都充满好奇，因为热切想了解降两度的底世，加上每次她／他出现时，表现十分冷艳，令人觉得降两度有可能是港女。网民关心神秘的降两度多过轩仔㖞，轩仔又有甚么看法呢？“‘港女’…好衰呀！其实我唔系好钟意啲人用‘港女’形容香港女仔，如果‘港女’系带有贬义的话。因为大家应该未见过真系难搞嘅女仔。”至于降两度的终极身世，轩仔都傻傻分不清楚：“佢系男定系女呢，我都唔系好清楚，未有机会去了解佢。而且佢都系一时时㗎咋，有时古灵精怪，有时阴阳怪气，等我问下佢先，有机会见到佢，或者我睇下可唔可以将佢验明正身。”降两度的演唱会将会在六月举行，如果fans见到轩仔的答案，到时会否叫降两度“除衫”呢？

特别鸣谢：
发型：张敬轩
化妆：张敬轩
场地：仙后餐厅