【收视分析师】数据大滞后 延迟两周仲有咩作用？
撰文： 温菁莉
出版：更新：
欢迎收睇逢星期二《收视分析师》，系呀由今个星期开始呢个专题会由星期三改到星期二，有睇开嘅读者可以留意返。上个星期就讲到而家收视有有新计法——7天跨平台总收视点。但最好笑嘅就系TVB由过往公布上星期收视演变成现在公布上2个星期。所以今天TVB下午的收视数据仲系讲紧1月第二𠮶星期，真系耐到呢…
相关文章：
【收视分析师】收视又有新玩法 ViuTV同奇妙几时先肯公布收视？
【收视分析师】“是非精”够癫够嘈 《学是学非》收视廿点无难度
但今日循例都照讲讲收视喇，《夸世代》系“7天跨平台总收视点”统计之下，大结局有29.5点，系开剧最高收视嘅一集。呢个数字真系好耐都无见过，始终近年台庆剧例如去年的《幕后玩家》以及前年《致命复活》，平均收视分别只有25点同20.5点时，学马明话斋，“26，7点好x高！”当一套剧出动晒所有艺员，制作成本高达5,000万元，都只系得呢个收视嘅时候，相信TVB真系是时候反省下，唔系推晒所有人出黎就一定爆，我大胆推算大结局咁爆系因为最后一幕有佘诗曼客串。
BTW有睇琴晚嘅台庆颁奖礼上《最佳剧集》竟然系《夸世代》拎到嘅时候，全台艺员都O嘴时，但剧集原来真系有咁高收视，拎到呢𠮶奖项又真系符合国情㖞(好似系)。但自从用咗新方法记录收视之后，大家要隔两个星期先知道上两个星期节目嘅成绩，究竟作用系乜呢？唔通系要淡化收视对观众嘅影响力?